16, თებერვალი 2018 14:10:00
დღეს გახდება ცნობილი რა სახის სამუშაოების ჩატარების საჭიროება იქნება ბათუმი-ახალციხის დამაკავშირებელი გზის სოფელ დიოკნისის მონაკვეთზე. ხულოს მერი ვარაუდობს, რომ ტერიტორიაზე გადაადგილება რამდენიმე დღის განმავლობაში შეზღუდული იქნება. ადგილზე გუშინ, მდგომარეობის შესასწავლად სპეციალისტები იმყოფებოდნენ, რომელთა დასკვნა მერიას დღის ბოლომდე უნდა ჩაბარდეს. სოფელ დიოკნისში მიწის მასა ორი დღის წინ ჩამოიშალა. მეწყრული პროცესი ხელმეორედ საღამოსაც განვითარდა, რის გამოც ტერიტორიაზე გადაადგილება შეუძლებელი გახდა. ამ ეტაპზე მოქალაქეები შემოვლითი გზით სარგებლობენ, სადაც მაღალი გამავლობის ავტომობილებისთვისაა გადაადგილება შესაძლებელი.
44
s
s
s