16, თებერვალი 2018 17:03:00
შინაგან საქმეთა სამინისტრო ბოლო ერთი კვირის განმავლობაში უწყების მიერ ოპერატიულ-საგამოძიებო ღონისძიებების შედეგად გახსნილი საქმეების სტატისტიკას ავრცელებს. ბოლო ერთი კვირის განმავლობაში, მთელი ქვეყნის მასშტაბით ამოღებულია განსაკუთრებით დიდი ოდენობის სხვადასხვა სახის ნარკოტიკული საშუალებები. ნარკოდანაშაულისთვის დაკავებულია 13 პირი მათ შორის - 6 ნარკორეალიზატორი, რომლებიც ნარკოტიკულ საშუალებას სისტემატურად ყიდდნენ. ერთი თვის განმავლობაში, ქურდულ სამყაროსთან კავშირში მყოფი, 8 პირია დაკავებული. ქურდობის 8 ფაქტზე დააკავეს 9 პირი, კერძოდ: იმერეთში - 2, აჭარაში - 2, ხოლო შიდა ქართლში - 5.