05, მარტი 2018 17:03:00
საქართველოს განათლებისა და მეცნიერების სამინისტრო საჯარო სკოლების I-VI კლასებისათვის ახალი, თანამედროვე მოთხოვნების შესაბამისი სახელმძღვანელოების შერჩევის, ანუ გრიფირების პროცესს ახორციელებს. პროცესში ფილოლოგები, განვითარების სპეციალისტები და კონსტიტუციონალისტები არიან ჩართულები. სახელმძღვანელოების შერჩევისას სამინისტრო საზოგადოებას აქტიური ჩართულობისკენ მოუწოდებს. უწყებაში განმარტეს, რომ იმისათვის, რომ ახალი სახელმძღვანელოები სრულად შეესაბამებოდეს თანამედროვე მოთხოვნებს და სტანდარტებს, იყოს შესაბამისობაში ასაკობრივ სპეციფიკასთან, მოხდა ეროვნული სასწავლო გეგმის არსებითი გადამუშავება.