12, აპრილი 2018 14:04:00
ქედის მუნიციპალიტეტში ახალი სოციალური სახლი შენდება. ყოფილ სამკერვალო საწარმოს შენობაში 12 სოციალურად დაუცველი ოჯახი დაბინავდება. ორწლიანი პროექტი, რომლის ბიუჯეტი 436 046 ლარია, მაისის თვეში დასრულდება. უახლოეს პერიოდში დაკომპლექტდება სხვადასხვა სამსახურების, მედიის და არასამთავრობო ორგანიზაციების წარმომადგენლებისგან შემდგარი კომისია, რომელიც სოციალურ სახლში დასაბინავებელ ოჯახებს შესაბამისი კრიტერიუმების საფუძველზე შეარჩევს. შესაბამისი ინფორმაცია და ვიდეომასალა აჭარის მთავრობის პრესცენტრმა მოგვაწოდა.