12, აპრილი 2018 14:03:00
გარემოსდაცვითი ზედამხედველობის დეპარტამენტის, აჭარისა და გურიის რეგიონული სამმართველოს თანამშრომლებმა, შემოსავლების სამსახურიდან შემოსული შეტყობინების საფუძველზე, საბაჟო დეპარტამენტის ბათუმის ეკონომიკურ ზონაში, 24 ავტოსატრანსპორტო საშუალება შეამოწმეს. ადგილზე ხე-ტყის ტრანსპორტირების წესების დარღვევის 2 ფაქტი გამოვლინდა, შედგა ადმინისტრაციული სამართალდარღვევის ოქმები, 128 პრიმა 2 მუხლის მე-6 ნაწილით, რაც ითვალისწინებს 200 ლარის ოდენობით საჯარიმო თანხას. საქმის მასალები, შესაბამის რაიონულ სასამართლოში გადაიგზავნება.