13, აპრილი 2018 14:07:00
ქობულეთში თევზის გადამამუშავებელი საწარმო აშენდება. თანამედროვე ტექნოლოგიებით აღჭურვილი საწარმო წლიურად სულ მცირე 500 ტონა თევზსა და თევზის ხორცს, კერძოდ კი ატლანტის ორაგულის წარმოება უნდა უზრუნველყოს. წარმოებული პროდუქცია ევროპული სტანდარტების შესაბამისად იქნება დამუშავებული და შეფუთული. საწარმოს მშენებლობისთვის 5 მლნ 850 148 ლარის ინვესტიცია განხორციელდება. სადაც 30 ადამიანი დასაქმდება. საწარმოს შპს "ნ.გ. ჰოლდინგი" ქობულეთში, მდ. კინტრიშის მიმდებარედ ააშენებს.