19, აპრილი 2018 14:06:00
აჭარის მთავრობის თავმჯდომარემ ირანის ისლამური რესპუბლიკის გენერალურ კონსულთან დიპლომატიური მისიის დასრულებასთან დაკავშირებით გამოსამშვიდობებელი შეხვედრა გამართა. კონსულმა 3 წლიანი მოღვაწეობა შეაჯამა და კმაყოფილება გამოთქვა ქვეყნებს შორის არსებული ორმხრივი თანამშრომლობის გაღრმავების ტენდენციაზე. ზურაბ პატარაძემ თავის მხრივ, ყურადღება გაამახვილა ტურიზმისა და ეკონომიკის მიმართულებით არსებულ დადებით დინამიკაზე. რეგიონის მთავრობის მეთაურმა კონსულს ნაყოფიერი თანამშრომლობისთვის მადლობა გადაუხადა და მომავალ საქმიანობაში წარმატება უსურვა. შესაბამისი ინფორმაცია და ვიდეომასალა აჭარის მთავრობის პრესცენტრმა მოგვაწოდა.