19, აპრილი 2018 14:04:00
პრემიერ მინისტრის თქმით, თანამშრომლობის პროგრამა, რომელიც საქართველოს საერთაშორისო სავალუტო ფონდთან აქვს, მთავრობის რეფორმების 4-პუნქტიან პროგრამას ეფუძნება და მას ფონდი დადებითად აფასებს. გიორგი კვირიკაშვილის ინფორმაციით, კერძო სექტორში 2017 წელს ბრუნვები 19%-ით გაიზარდა და შეიქმნა 40 ათასამდე ახალი სამუშაო ადგილი. პრემიერის მოსაზრებით, ძალიან მნიშვნელოვანია, რომ ამ დინამიკაში კერძო სექტორს აქვს უმნიშვნელოვანესი როლი . მთავრობის პრესცენტრის ცნობით, საქონლის ექსპორტი პირველ სამ თვეში 28%-ით გაიზარდა, ტურიზმიდან შემოსავალმაც 28%-ით მოიმატა, ხოლო ფულადი გზავნილები 20%-ით გაიზარდა.