03, მაისი 2018 14:06:00
მთავრობა პროფესიული განათლების ახალი სისტემის შექმნას იწყებს. „პროფესიული განათლების შესახებ“ საქართველოს კანონში ცვლილებათა პაკეტი მთავრობის დღევანდელ სხდომაზე დაამტკიცეს. როგორც პრემიერ-მინისტრმა გიორგი კვირიკაშვილმა განაცხადა, პროფესიულ განათლებაში იგეგმება გერმანიაში, ავსტრიაში, შვეიცარიაში აპრობირებული მოდელების დანერგვა. ცვლილება პროფესიული განათლების საფეხურზე მიღებული კრედიტების უმაღლესი განათლების საფეხურზე ჩართვის შესაძლებლობას ითვალისწინებს. მოხდება სამუშაოზე დაფუძნებული, ანუ ე.წ. დუალური სწავლების ფორმის განსაზღვრა და მისი პრიორიტეტად მიჩნევა.