18, მაისი 2018 14:04:00
ფოლკლორის სახელმწიფო ცენტრის ეზოში საზაფხულო სცენაზე - ბათუმის სალოტბარო სკოლების მოსწავლეთა კონცერტი გაიმართა. 2015 წლიდან საქართველოს ფოლკლორის სახელმწიფო ცენტრის ორგანიზებით და კულტურის სამინისტროს მხარდაჭერით საქართველოში ეტაპობრივად იხსნება სალოტბარო სკოლები, სადაც ნებისმიერ მსურველს ქართული ხალხური სიმღერის და ტრადიციული გალობის სწავლა უფასოდ შეუძლია. დღეისთვის უკვე ფუნქციონირებს 22 სალოტბარო სკოლა, სადაც 800-მდე მოსწავლე უფასოდ ეუფლება ქართულ ხალხურ სიმღერას და საეკლესიო გალობას.