24, მაისი 2018 14:04:00
„Adventures in Batumi”- ასე ჰქვია აჭარის შესახებ მომზადებულ თემატურ სიუჟეტებს, რომელიც ევრონიუსის ეთერში მაისიდან გადის. მტირალას ეროვნული პარკი, კურორტი გოდერძი და ბათუმი, ის ძირითადი ტურისტული ადგილებია, სადაც ევრონიუსის ჟურნალისტმა იმოგზაურა და ახლა მილიონობით მაყურებელს მსოფლიოს გარშემო აჭარას, როგორც ახალ ტურისტულ მიმართულებას აცნობს. რეგიონის შესახებ მომზადებული მინი-სერიები ევრონიუსის ეთერში ყოველდღიურად, დღეში სამჯერ გადაიცემა და ის მაისის ბოლომდე გაგრძელდება. ტურიზმის დეპარტამენტისა და ტურიზმის ეროვნული ადმინისტრაციის მოწვევით ევრონიუსის გადამღებმა ჯგუფმა აჭარის გარდა საქართველოს სხვა რეგიონებშიც იმოგზაურა.