04, ივნისი 2018 14:51:00
ქალის დაჭრაში ბრალდებულს აღმკვეთი ღონისძიების სახით პატიმრობა შეეფარდა. პროცესი დღეს ბათუმის საქალაქო სასამართლოში გაიმართა. 26 წლის პირს ბრალი დამამძიმებელ გარემოებაში განზრახ მკვლელობის მცდელობაში ედება. ადვოკატის განცხადებით, ამ ეტაპზე ბრალდებული ჩადენილი ქმედების მოტივზე არ საუბრობს. იგი ფსიქიატრიული ექსპერტიზის დანიშვნას ითხოვს. შემთხვევა 27 მაისს, საცხოვრებელი სახლის ლიფტში მოხდა. დაკავებულმა ქალს 62 ჭრილობა მიაყენა და ადგილიდან მიიმალა. დაჭრილი ამ დრომდე საავადმყოფოში რჩება. შინაგან საქმეთა სამინისტროს ინფორმაციით, დაკავებული პირი წარსულში 2 ჯერ არის ნასამართლევი. იგი სასჯელს ქურდობისთვის და დანაშაულის დაფარვისთვის იხდიდა.