13, ივნისი 2018 20:31:00
საქართველოს პრემიერმინისტრი გიორგი კვირიკაშვილი თანამდებობიდან გადადგა. ამის შესახებ მთავრობის ადმინისტრაციაში გამართულ საგანგებო ბრიფინგზე თავად კვირიკაშვილმა განაცხადა, სადაც მან ეკონომიკის სფეროში მიღწეულ წარმატებაზეც ისაუბრა. „დღეს არის ის მომენტი, როდესაც პარტიის თავმჯდომარეს უნდა მიეცეს საშუალება, რომ გუნდი დააკომპლექტოს იმ შეხედულებიდან გამომდინარე, რასაც მას გააჩნია,“- აღნიშნა ყოფილმა პრემიერმა. ცნობისთვის, საქართველოს კონსტიტუციის მიხედვით, იმ დროს, როდესაც პრემიერს უფლებამოსილება უწყდება, მის მოვალეობას პირველი ვიცე-პრემიერი შეასრულებს. ამ შემთხვევაში, დიმიტრი ქუმსიშვილი. უფლებამოსილება შეუწყდა მთავრობასაც. "ქართულმა ოცნებამ" შვიდი დღის ვადაში უნდა დაასახელოს ახალი კანდიდატი. თავის მხრივ, პრემიერ-მინისტრობის პრედენდენტი წარადგენს მთავრობის ახალი შემადგენლობასა და პროგრამას.