02, ივლისი 2018 17:02:00
ბათუმის დელფინარიუმს 2 ახალი ბინადარი ჰყავს. ახალშობილი დელფინების სახელების ჯერ ჯერობით შერჩეული არ არის, მასზე კონკურსი გამოცხადდება. ციციმ და ფლიპერმა ბოლო ორი კვირის განმავლობაში ვეტერინარების მეთვალყურეობის ქვეშ იმშობიარეს. პატარა ბინადრები თავს კარგად გრძნობენ. დედები მათ წყალზე ტივტივსა და ღრმად ჩაყვინთვას ასწავლიან. დელფინარიუმებში დელფინის დაბადება უნიკალური და იშვიათი მოვლენაა.