21, თებერვალი 2017 16:49:00
თურქეთის პოლიციამ სარფის გამშვებ პუნქტში საქართველოს ორი მოქალაქე მას შემდეგ დააკავა, რაც შემოწმებისას ჩემოდანში ქალი აღმოჩნდა, რომელიც თურქეთის ტერიტორიაზე მალულად შესვლას ცდილობდა, - იუწყება თურქული გამოცემა Daily Sabah. მათივე ინფორმაციით, შემოწმებისას პოლიციამ მამაკაცს ჩემოდნის გახსნა სთხოვა, რომელშიც ქალი აღმოჩნდა. სააგენტოს ცნობით, დაკითხვის შედეგად გაირკვა, რომ 28 წლის ქალი სამი თვის წინ თურქეთიდან იყო დეპორტირებული. ორივე პირი დაკავებულია და მიმდინარეობს გამოძიება. Daily Sabah-ის ცნობით, სარფის საბაჟო-გამშვებ პუნქტზე მსგავსი შემთხვევა სამი დღის წინაც მოხდა, როდესაც თურქეთში უკანონოდ შესვლას ჩემოდანში დამალული კიდევ ერთი ადამიანი ცდილობდა.