10, ივლისი 2018 17:03:00
შინაგან საქმეთა სამინისტრო 6 თვიან საქმიანობას აჯამებს. გამოძიება ოჯახური დანაშაულის 2 ათას 804 ფაქტზე დაიწყო. სისხლისსამართლებრივი დევნა კი ათას 933 პირის მიმართ დაიწყო. ოჯახურ დანაშაულზე არასათანადო რეაგირების გამო დისციპლინური სახდელი დაეკისრა პოლიციის 4, ხოლო ოჯახური ძალადობის ჩადენის გამო 6 თანამშრომელს. მიმდინარე წლის ბოლომდე დაინერგება ელექტრონული სამაჯურები. განხორციელდა საკანონმდებლო ცვლილებებიც, რომლის მიხედვითაც მკაცრდება სასჯელი ოჯახში ძალადობაზე და განმეორებით ჩადენაზე.