16, ივლისი 2018 20:06:00
მოქალაქეებს 16 ივლისიდან 5 და მეტი მედიკამენტის გამოწერის შემთხვევაში დანიშნულების გადამოწმება შეეძლებათ. უკვე განსაზღვრულია ის კრიტერიუმიც, რის საფუძველზეც გადამოწმდება, ჭარბად არის თუ არა წამლები გამოწერილი. ყურადღება მიექცევა, არის თუ არა დანიშნული ორი ან მეტი ანტიბიოტიკი, ასევე, ხომ არ არის ექიმის მიერ გამოწერილი ერთი და იგივე ჯენერიკი ორი და მეტი სავაჭრო დასახელებით, ასევე შემოწმდება ერთი და იგივე ფარმაკოლოგიური ჯგუფის მედიკამენტები ხომ არ არის ერთდროულად დანიშნული. მოქალაქეებს ინფორმაციის დაზუსტება ჯანდაცვის სამინისტროს ცხელ ხაზზე შეეძლებათ.