27, ივლისი 2018 20:09:00
ბათუმში, განზრახ მკვლელობის მცდელობის ბრალდებით, 1996 წელს დაბადებული პირი დააკავეს. მის მიერ ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ დაკავებულმა გუშინ ღამით, ანბანის კოშკის მიმდებარე ტერიტორიაზე, ურთიერთშელაპარაკების ნიადაგზე, ცივი იარაღით დაზიანებები მიაყენა 4 პირს. დაჭრილები საავადმყოფოში არიან გადაყვანილები. სამართალდამცველებმა ბრალდებული შემთხვევის ადგილზევე დააკავეს.