03, აგვისტო 2018 20:06:00
უცხო ენების გამოცდების შედეგები ცნობილია. აბიტურიენტებს ქულების ნახვა შეუძლიათ როგორც ვებ-გვერდის, ისე SMS-ის საშუალებით. საიტის შემთხვევაში, აბიტურიენტს შედეგის ნახვა გამოცდების ეროვნული ცენტრის ოფიციალურ გვერდებზე www.naec.ge ან www.online.naec.ge-ზე შეუძლია. რაც შეეხება მოკლე ტექსტური შეტყობინებით ქულის გაგებას, აბიტურიენტმა მობილური ტელეფონიდან საკუთარი საიდენტიფიკაციო კოდი უნდა გაგზავნოს ნომერზე 93 333. შეფასებისა და ეროვნული გამოცდების ცენტრის ინფორმაციით, უცხო ენების გამოცდის მინიმალური კომპეტენციის ზღვარი დაახლოებით 6%-მა ვერ გადალახა. ცნობისთვის, უცხო ენების გამოცდა ინგლისურში, რუსულში, გერმანულსა და ფრანგულში ჩატარდა, ოთხივე ენაში ერთად, უმაღლესი შეფასება 109 აბიტურიენტმა მიიღო.
2
s
s
s