15, აგვისტო 2018 20:13:00
თურქეთში მომხდარი ავარია იყო საუბრის თემა აჭარის მთავრობის თავმჯდომარესა და თურქეთის რესპუბლიკის გენერალურ კონსულს შორის გამართულ შეხვედრაზე. თორნიკე რიჟვაძემ ავტოსაგზაო შემთხვევის შესახებ ინფორმაცია მოისმინა. მისივე განცხადებით, როგორც თურქული, ისე ქართული მხარე მაქსიმალურადაა ჩართული დაშავებული მოქალაქეებისთვის შესაბამისი სერვისების გაწევისა და შინ მშვიდობით დაბრუნების საკითხებში. გაცნობითი ხასიათის შეხვედრაზე მხარეებმა ასევე ორ ქვეყანას შორის მჭიდრო პარტნიორული ურთიერთობები განიხილეს და იმედი გამოთქვეს, რომ სხვადასხვა მიმართულებით არსებული თანამშრომლობა სამომავლოდ კიდევ უფრო გაძლიერდება.