საგანგებო სიტუაციების მართვის სამსახური სასტუმრო “ველმონდის” ადმინისტრაციას 17 აგვისტოს, 18:00 საათამდე აძლევს ვადას, შენობიდან გაიყვანოს სტუმრები და შეწყვიტოს საქმიანობა. ამის შესახებ განცხადებას სამსახურის პრესცენტრი ავრცელებს. მათივე ინფორმაციით, სპეციალისტებმა, 2018 წელს სასტუმრო და სამორინე „ველმონდში“ სახანძრო უსაფრთხოების მიზნით, სამჯერ განახორციელეს შემოწმება. გაიცა 43 რეკომენდაცია, რომელთა უმეტესობა ამ დრომდე არ შესრულებულა. როგორც საგანგებო სიტუაციების მართვის სამსახურში აცხადებენ, სპეციალისტების დასკვნით, შენობაში არ არის დამონტაჟებული კვამლსაწინააღმდეგო დაცვის სისტემები, რაც ხანძრის შემთხვევაში, შენობაში მყოფ ადამიანებს არ უტოვებს უსაფრთხო ადგილას ევაკუაციის შესაძლებლობას.
ცნობისთვის, საგანგებო სიტუაციების მართვის სამსახურმა, ჯერ კიდევ 1 თვის წინ სასამართლოს მიმართა და სასტუმროსთვის ექსპლუატაციის შეჩერება მოითხოვა. მოსამართლემ სარჩელი დააკმაყოფილა.
3
s
s
s