16, აგვისტო 2018 20:09:00
ქობულეთის აგროსერვის ცენტრში საადრეო ყურძნის მოსავალი აიღეს. სანერგე მეურნეობაში 11 სასუფრე ჯიშის ვაზია გაშენებული. სასუფრე ჯიშის ყურძენი კარდინალი და პრიმა - საადრეო ჯიშისაა და აგვისტოში მწიფდება. შემოდგომაზე გვარა-ხუცუბნის სანერგეში საღვინე ჯიშის ყურძნის აღებაც დაიწყება. ქობულეთიდან 10 წუთის სავალზე მდებარე ღვინის სახლი და სანერგე მეურნეობა სტუმრებს საშუალებას აძლევს ადგილზე დააგემოვნონ და შეიძინონ საქართველოში წარმოებული სხვადასხვა სახის ღვინო. ღვინის სახლის სერვისებში შედის ტური ამავე ტერიტორიაზე არსებულ ხეხილისა და ვაზის სანერგე მეურნეობაში, ასევე ღვინის დაყენების ტექნოლოგიების გაცნობა და ღვინის დეგუსტაცია.