16, აგვისტო 2018 20:04:00
მთიან აჭარაში ტურიზმის განვითარების, ასევე კურორტ გოდერძზე მაღალი სერვისის მქონე ტურისტული ობიექტების შექმნის მიზნით ადგილობრივი საოჯახო სასტუმროების მფლობელები გადამზადნენ. ობიექტების წარმომადგენლებს სასწავლო კურსი უცხო ენაში ჩაუტარდათ. სულ 30-ზე მეტი თანამშრომელი გადამზადდა. ენის კურსების ფარგლებსი მონაწილეებმა შეისწავლეს ის ძირითადი, საბაზისო საკომუნიკაციო ინგლისური, რომელიც სტუმარმასპინძლობისას ტურისტებისთვის სერვისების შეთავაზების, გაყიდვისა და მომსახურებისას სჭირდებათ. ტურიზმის დეპარტამენტმა პროექტი " ტურიზმის განვითარების სკოლა" წელს პირველად დაიწყო. პროექტის ფარგლებში ინგლისური ენის კურსდამთავრებულებს სერტიფიკატები გადაეცათ.