20, აგვისტო 2018 20:35:00
ქედაში აგრომომსახურების ცენტრის მშენებლობა დასრულების ეტაპზეა. ქედის აგრომომსახურების ცენტრი, სხვა მუნიციპალიტეტებში მდებარე ცენტრების მსგავსად, სამაცივრე დანადგარებით აღიჭურვება. სოფლის მეურნეობის პროდუქციის დამხარისხებელ-შემფუთავი ტექნოლოგიური ხაზით, შესაბამისი სატრანსპორტო და წარმოების სხვა საშუალებებით. აჭარის მთავრობის პრესცენტრის ცნობით, ცენტრები ასევე, პროდუქციის ტრანსპორტირებას, დახარისხებას, შენახვასა და სარეალიზაციო ქსელში მოხვედრას უზრუნველყოფენ, რაც ფერმერებს პროდუქციის რეალიზაციაში დაეხმარება. პროექტი აჭარის სოფლის მეურნეობის სამინისტროს 2017-2018 წლის ქვეპროგრამის ადგილობრივად წარმოებული სასოფლო-სამეურნეო პროდუქციის რეალიზაციის ხელშეწყობა’ - ფარგლებში ხორციელდება. ქვეპროგრამის ბიუჯეტი 2 644 540 ლარია.