21, აგვისტო 2018 20:49:00
მუსლიმები დღეს ყურბან-ბაირამის, ანუ მსხვერპლშეწირვის დღესასწაულს აღნიშნავენ. მეჩეთებში დილის ლოცვის დასრულების შემდეგ, მორწმუნეები პირუტყვს კლავენ და ხორცს ახლობლებსა და სოციალურად დაუცველებს უნაწილებენ. მუსლიმებმა ბათუმში დღეს დღესასწაულთან დაკავშირებული ლოცვა ორ ადგილზე აღავლინეს. ბათუმის ორთაჯამეში და ღია ცის ქვეშ, იმ ტერიტორიაზე სადაც „მუსლიმთა კავშირი“ მეორე წელია მეჩეთის მშენებლობის ნებართვას ითხოვს. ეიდ ალ-ადჰა, იგივე ყურბან ბაირამი, მუსულმანური კალენდრის მთავარი დღესასწაულია, ეიდ ალ-ფითრთან ერთად, რომლითაც მარხვის თვის - რამადანის დასასრული აღინიშნება. ყურბან-ბაირამობა მარხვის თვიდან 70-ე დღეს იწყება.