21, აგვისტო 2018 20:33:00
აჭარის ტურისტული პოტენციალის შესახებ სტატიებსა და რეპორტაჟებს ლატვიელი ჟურნალისტები ამზადებენ. ისინი რეგიონს ტურიზმის დეპარტამენტის მოწვევით სტუმრობენ. ჟურნალისტებმა უკვე დაათვალიერეს ქალაქის ძირითადი ტურისტული ღირსშესანიშნაობები, ბათუმის ბოტანიკური ბაღი, გონიო-აფსაროსის ციხე-მუზეუმი და მთიანი აჭარა. ისინი ასევე, გაეცნენ ადგილობრივ ფოლკლორსა და სამზარეულოს. 2018 წელს, აჭარის ტურიზმის დეპარტამენტი რეგიონის ტურისტული პროდუქტების პოპულარიზაციას 16 სამიზნე ქვეყანაში ეწევა, რაც სატელევიზიო რეკლამას, გარე რეკლამას, ონლაინ რეკლამას, პრეს და ინფოტურების ორგანიზებასა და საერთაშორისო გამოფენებში აჭარის რეკლამირებას ითვალისწინებს. შესაბამისი ინფორმაცია ტურიზმის დეპარტამენტის პრესცენტრმა მოგვაწოდა.