27, აგვისტო 2018 20:39:00
ბოლო ერთი კვირის განმავლობაში ანაკლიაში, თბილისსა და ბათუმში ნარკოდანაშაულისთვის 29 პირი დააკავეს. ინფორმაციას შინაგან საქმეთა სამინისტრო ავრცელებს. განსაკუთრებით დიდი ოდენობით ნარკოტიკი ამოიღეს აჭარაში. სამართალდამცველებმა დააკავეს პირი ნარკოტიკული საშუალების უკანონო შეძენა-შენახვის ბრალდებით , რომელსაც 91 აბი სუბოქსინი და 5 შეკვრად დაფასოებული ჰეროინი აღმოაჩნდა. იგივე ბრალდებით პოლიციამ ირანის რესპუბლიკის 5 და საქართველოს 2 მოქალაქე დააკავა სოფელ განმუხურში. ნარკოდანაშაულისთვის კი თბილისში 2 პირი დააკავეს. უწყებამ პირველი იანვრიდან დღემდე, საქართველოში ნარკოტიკული საშუალების საზღვარზე უკანონოდ შემოტანის ბრალდებით, სულ 99 პირი დააკავა.
36
s
s
s