27, აგვისტო 2018 20:32:00
მუსიკის საერთაშორისო ფესტივალი ღამის სერენადები დაიწყო. ბათუმი ფესტივალს წელს, მეათედ მასპინძლობს. საკონცერტო პროგრამის პირველი საღამო საქართველოს ვირტუოზებს დაეთმო. მუსიკოსებმა მოცარტის ღამის პატარა სერენადა შეასრულეს. საღამოებზე მსოფლიო კლასიკოსების შედევრებს, ქართველი და უცხოელი მუსიკოსები შეასრულებენ. მათ შორის პიანისტი ალექსანდრე კორსანტია, დირიჟორი ვახტანგ მაჭავარიანი, მევიოლინე გია იაშვილი და სხვები. კლასიკური მუსიკის მოყვარულებს ბათუმში კიდევ ორი საღამო ელოდებათ. 28 და 29 აგვისტოს კონცერტები ბათუმში გაიმართება. ფესტივალი თბილისში , 4 სექტემბერს საზეიმოდ დაიხურება.