30, აგვისტო 2018 20:45:00
8 ადამიანი დაშავდა ავტოსაგზაო შემთხვევის შედეგად. ავარია ჩაქვი - ქობულეთის დამაკავშირებელ გვირაბთან მოხდა. ერთმანეთს ორი მსუბუქი ავტომობილი შეეჯახა. დაშავებულებს შორის ოთხი უცხო ქვეყნის მოქალაქეა, მათ შორის 2 ბავშვი. სასწრაფო დახმარების ბრიგადებმა დაზარალებულები ქობულეთის რეგიონულ საავადმყოფოში გადაიყვანეს. დაშავებულების მდგომარეობა დამაკმაყოფილებელია. გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
8
s
s
s