03, სექტემბერი 2018 20:37:00
აჭარაში გადამფრენ ფრინველებზე დაკვირვების საერთაშორისო ფესტივალი დაიწყო. ჭოროხის დელტა, სოფელი ჩაისუბანი, სოფელი სახალვაშო, ბათუმის ზღვისპირა პარკი, ნავსადგური და კოლხეთის ეროვნული პარკი. ეს ის ადგილებია სადაც ფესტივალში მონაწილე უცხოელი და ადგილობრივი სპეციალისტები ფრინველებზე დაკვირვებას მოახდენენ. ფესტივალის ფარგლებში ასევე ჩატარდება გასართობ-შემეცნებითი ექსკურსიები, ლექციები და პრეზენტაციები. გასვლით ტურებში მონაწილეობა და ლექციებზე დასწრება ნებისმიერ მსურველს შეეძლება. ფრინველებზე დაკვირვების საერთაშორისო ფესტივალი აჭარაში 8 სექტემბერს დასრულდება.