07, სექტემბერი 2018 20:14:00
თურქეთში, ორდუს გუბერნიის დაბა უნიეში დასაქმებული 17 ქართველი საქართველოში დაბრუნდა. ისინი სამუშაოდ ერთი თვის წინ თხილის საკრეფად წავიდნენ. როგორც ამბობენ, დამსაქმებელმა მათ გამომუშავებული თანხის ნაწილი არ გადაუხადა. მათივე განმარტებით, თურქმა სამართალდამცველებმა დამსაქმებელს უკვე დააკისრა ჯარიმის სახით 160 000 ლირა და დასაქმებულებისთვის სახელფასო დავალიანების ანაზღაურება. ცნობისთვის, თურქულმა მხარემ გასული წლის სექტემბერში, უცხოელი მოქალაქეებისთვის ახალი კანონი მიიღო, რაც სოფლის მეურნეობაში, სეზონურად, ლეგალური დასაქმების საშუალებას იძლევა.ტრაპიზონის საკონსულოს მონაცემებით, 2018 წელს, თურქეთის 6 გუბერნიის ჩაის პლანტაციებში სეზონურად საქართველოს 10 ათასამდე მოქალაქე მუშაობს.
2
s
s
s