11, სექტემბერი 2018 20:04:00
აჭარის მთავრობის თავმჯდომარე KfW-ს თბილისის ოფისის დირექტორს კლაუს ვაიგელს შეხვდა. შეხვედრაზე თორნიკე რიჟვაძემ ვაიგელს მრავალწლიანი ნაყოფიერი თანამშრომლობისთვის მადლობა გადაუხადა. მხარეებმა განიხილეს ბათუმის შემოერთებულ ტერიტორიებზე და აჭარის მაღალმთიანეთში მიმდინარე წყლის სისტემის რეაბილიტაციის მე-5 ფაზის პროცესი. საუბარი შეეხო ბათუმის მუნიციპალური ტრანსპორტის პროექტის დაფინანსების საკითხებსაც. აჭარაში წყლის სექტორის რეფორმა გერმანიის რეკონსტურქციის საკრედიტო ბანკის შეღავათიანი სესხითა და ევროკავშირის სამეზობლო საინვესტიციო ფონდის გრანტით დაფინანასდა. პროექტის საერთო საინვესტიციო ღირებულება 44.000.000 ევროს შეადგენს, ინვესტიციების პერიოდი 7 წელზეა გათვლილი. შესაბამისი ინფორმაცია და ვიდეომასალა მთავრობის პრესცენტრმა მოგვაწოდა.