25, ოქტომბერი 2018 14:04:00
აჭარის მთავრობის თავმჯდომარე "ენერგო-პრო ჯორჯიას" დასავლეთ საქართველოს რეგიონული ფილიალის ხელმძღვანელ პირებს შეხვდა. სამუშაო შეხვედრაზე რეგიონში ენერგომომარაგების მხრივ არსებული მდგომარეობა მიმოიხილეს და ზამთრის სეზონთან დაკავშირებულ გამოწვევებზე ისაუბრეს. შეხვედრის ფარგლებში თორნიკე რიჟვაძე კომპანიის რეგიონული ფილიალის ახალ ხელმძღვანელს ალექსანდრე მეტრეველს გაეცნო, რომელიც კახა ქიტესაშვილს ჩაანაცვლებს. აღნიშნული შეხვედრის შესახებ TV 25ინფორმირებული არ ყოფილა. შესაბამისი მასალა მთავრობის პრესცენტრმა მოგვაწოდა.