პრობლემა, რომელიც ქობულეთელებს ყოველ გაწვიმებაზე ექმნებათ.შეიძლება ითქვას, რომ უამინდობისას, ქალაქის ცენტრალური უბნები მთლიანად იტბორება. მიზეზი - მდინარე აჭყვაა, რომელსაც მუნიციპალიტეტის ხელმძღვანელობამ, ასე გამოდის, დღემდე ვერაფერი მოუხერხა. მოქალაქეები ყვებიან, რომ შესაბამისი სამსახურები მდინარის კოლექტორებს არ წმენდენ, მერიაში კი თავს იმით იმართლებენ, რომ პროექტზე მუშაობენ.
ვიდეო მასალა, რომელიც ქობულეთში 100-მდე ოჯახის დატბორვას ასახავს, ბექა შავიშვილმა შაბათს, გადაიღო. პრობლემის გამომწვევი მიზეზი აჭყვაა. ერთი შეხედვით მცირე ზომის მდინარე ყოველი გაწვიმებისას გადმოდის და მიმდებარე ტერიტორიას წყლით ფარავს. ქობულეთში, პრობლემა თავს განსაკუთრებით შემოდგომაზე იჩენს.
გიზო ყაველაშვილი გვიყვება, რომ მდინარის კალაპოტიდან გადმოსული წყალი , მიმდებარე ტერიტორიაზე საცხოვრებელი სახლების პირველ სართულებს ფარავს. ზიანდება საყოფაცხოვრებო ნივთები. მოქალაქე ირწმუნება, რომ მდინარე არ იწმინდება, რის გამოც წყლის მასის გატარება ვერ ხერხდება.
რუსთაველის მეორე შესახვევში მცხოვრებლები პრობლემის არსებობას იმას უკავშრებენ, რომ ზღვასთან დამაკავშირებელი კოლექტორი არ იწმინდება. ადგილობრივები ყვებიან, რომ ჯებირის დამონტაჟება და მდინარის კალაპოტის გაფართოვება რამდენჯერმე მოითხოვეს, თუმცა მერიამ მათი მოთხოვნა არ გაითვალისწინა.
ოპოზიციაში ამტკიცებენ, რომ მდინარე აჭყვა საყოფაცხოვრებო და სამშენებლო ნარჩენებისგან ბოლო 6 წელია არ გაწმენდილა.
საპირისპიროს ამტკიცებენ ქობულეთის მერიაში. ინფრასტრუქტურის სამსახურში ირწმუნებიან, რომ მდინარის სამელიორაციო სისტემას თითქმის ყოველი გაწვიმებისას წმენენ. ზაზა კაიკაციშვილის თქმით მდინარის კალაპოტის სარეაბილიტაციო სამუშაოების პროექტზე მუშაობა მიმდინარე წლის ბოლომდე დასრულდება. თუმცა როდის მოგვარდება პრობლემა, სამსახურის ამას ვერ აკონკრეტებს.
ქობულეთში ყოველი გაწვიმებისას რუსთაველის, გურამიშვილის, ჯავახიშვილის და სადგურის მიმდებარე ტერიტორიები იტბორება.
2
s
s
s