12, იანვარი 2017 11:15:00
სერგო რატიანისა და მისი თანამოაზრეების მოთხოვნა დაკმაყოფილდა და ერთიანი ნაციონალური მოძრაობის 8 წევრი სიიდან ამოღებულია. სიის მიღმა დარჩა ომარ მეგრელიძეც, რომელიც სიაში აჭარის კვოტით იყო შესული. იგი მომხდარს ანგარისწორებად აფასებს და მზაკვრულ გეგმას უწოდებს. მისივე განმარტებით, განხორციელდა სადამსჯელო ღონისძიება მათ მიმართ, ვინც 20 იანვარს პარტიის ყრილობის გამართვას დაუჭირა მხარი. მეგრელიძე არ გამორიცხავს, რომ განხეთქილება მართული იყოს, თუმცა ვისგან - არ აკონკრეტებს. მისი თანაგუნდელი გია აბულაძე კი პროცესების უკან ბიძინა ივანიშვილს ხედავს. მისი განმარტებით, პარტიისგან მიხეილ სააკაშვილის ჩამოშორება სწორედ ივანიშვილის ინტერესში შედიოდა.