გაერთიანებული ოპოზიციის "ძალა ერთობაშია" საპრეზიდენტო კანდიდატი, გრიგოლ ვაშაძე და ოპოზიციის ლიდერები მხარდამჭერებს ბათუმში შეხვდნენ. ვაშაძე შეკრებილებს იმ საკითხებზე ესაუბრა, რომლის გაკეთებასაც აპირებს გაერთიანებული ოპოზიცია ხელისუფლებაში მოსვლის შემდეგ. საპრეზიდენტო კანდიდატმა აღნიშნა, რომ ახალარჩეულმა პრეზიდენტმა უნდა დაივიწყოს სიძულვილის ენა და გააერთიანოს საზოგადოება, რომ მათ თავში აღარ მოუვიდეთ ქვეყნის დატოვება. ვაშაძის თქმით, ექვსი წლის მანძილზე ხელისუფლებას არაფერი გაუკეთებია, რომ ქვეყნის საკრედიტო ლიმიტი ამაღლებულიყო და ქვეყანაში ინვესტორები შემოსულიყვნენ. მისი თქმით, რესტრუქტურიზაცია უნდა მოხდეს ყველა საჯარო სამსახურებში, რაც რეალურად სიპებსა და აიპებს შეამცირებს, რომელთა ერთადერთი ფუნქცია, მისი თქმით, მმართველი პარტიის აქტივის დასაქმებაა.
3
s
s
s