12, ნოემბერი 2018 14:04:00
ციტრუსის რეალიზაციის ხელშეწყობისა და სუბსიდირების უზრუნველყოფის მიზნით, აჭარაში მანდარინის რეალიზაციის საკოორდინაციო შტაბი გაიხსნა. რეგიონის მთავრობის გადაწყვეტილებით, არასტანდარტულ 1 კგ მანდარინზე თანადაფინასება 10 თეთრი იქნება, სუბსიდირების პროგრამა კი 25 ნოემბრიდან დაიწყება. აჭარის სოფლის მეურნეობის სამინისტროს ინფორმაციით, ამ ეტაპზე უკვე ექსპორტირებულია 240 ტონა სტანდარტული მანდარინი, რაც გასულ წელთან შედარებით 3- ჯერ მეტია. სამინისტროში წელს, ციტრუსის სავარაუდო მოსავალს 55-60 ათას ტონას ელოდებიან.