19, ნოემბერი 2018 20:07:00
პრემიერ მინისტრის განცხადებაზე შეფასებები ისმოდა მთელი დღის განმავლობაში. რას ამბობენ მამუკა ბახტაძის გადაწყვეტილებაზე პარტიების წარმომადგენლები? სიუჟეტიდან გაიგებთ რას ვარაუდობენ პოლტიკოსები- დარჩება თუ არა ინიციატივა მთავრობის წინასაარჩევნო დაპირებად?
პრემიერ მინისტრის ინიციატივა მისაღებია პარტია „ევროპულ საქართველოსთვის“. პეტრე ზამბახიძე თვლის, რომ სიახლე, რომელიც მოსახლეობას კეთილდღეობას მოუტანს, მისასალმებელია. ამის მიუხედავად, ოპოზიონერი დეპუპატი მმართელი გუნდის გადაწყვეტილებას დაგვიანებულს უწოდებს.
ევროპული საქართველოსგან განსხვავებით , რესპულიკურ პარტიაში ინიციატივა ნაჩქარევად მიაჩნიათ. ირაკლი ჩავლეიშვილი ამბობს, რომ ერთ კვირაში მიღებული გადაწყვეტილება ბევრ კითხვით ნიშანს აჩენს.
საპირისპიროს ფიქრობენ მმართველ გუნდში. დავით ბაციკაძის მოსაზრებით ჭარბვალიანობა ქვეყნის მთავარი პრობლემა იყო. ქართული ოცნების წევრს იმედი აქვს, რომ ინიციატივა ქვეყანაში არსებულ რეალობას შეცვლის.
საკრედიტო ბიუროში არსებული მონაცემებით, ვადაგადაცილებული დავალიანება საქართველოში ნახევარ მილიონზე მეტ ადამიანზე აქვს. სესხის ოდენობა კი 10 მილიარდ ლარს შეადგენს. 2018 წლის მონაცემებით საქართველოს მოსახლეობის 64.8 პროცენტს საფინანსო სექტორის ვალი აქვს.