03, დეკემბერი 2018 17:07:00
ამ წუთებში ავლაბრის რეზიდენციაში, საქართველოს ჯერ კიდევ მოქმედი და არჩეული პრეზიდენტები ხვდებიან ერთმანეთს. რეზიდენციის ეზოში სტუმრის დასახვედრად წითელი ხალიჩა იყო გაშლილი. ეზოშივე დახვდა ზურაბიშვილს მარგველაშვილი. მათ შეხვედრის დაწყების წინ მედიასთან კომენტარი არ გაუკეთებიათ. შეგახსენებთ, რომ გიორგი მარგველაშვილსა და სალომე ზურაბიშვილს შორის საუბარი ადმინისტრაციული საკითხების გადაბარებასთან დაკავშირებით მიმდინარეობს. საქართველოს მეხუთე პრეზიდენტის ინაუგურაცია 16 დეკემბერს გაიმართება.