03, დეკემბერი 2018 20:32:00
გიორგი მარგველაშვილი სალომე ზურაბიშვილს შეხვდა. ქვეყნის მოქმედმა არჩეულ პრეზიდენტს სასახლეში უმასპინძლა. რაზე ისაუბრეს პირველებმა პირველ შეხვედრაზე?
ავლაბრის რეზიდენციაში მოქმედი და მომავალი პრეზიდენტების შეხვედრა გაიმართა. გიორგი მარგველაშვილი სალომე ზურაბიშვილს სასახლის ეზოში, სადაც წითელი ხალიჩა იყო გაშლილი, პირადად შეეგება.
შუმი : მარგველა - „გილოცავთ ქალბატონო სალომე და გისურვებთ ძალიან ბევრ წარმატებას ჩვენი ქვეყნისა და სამშობლოს სასიკეთოდ“
სალომე ზურაბიშვილმაკი მადლობა გადაუხადა პრეზიდენტს, იმისთვის, რომ ხელისუფლების გადაბარების პროცესი დემოკრატიული ფორმებში მიმდინარეობს.
მარგველაშვილისა და ზურაბიშვილის შეხვედრა დაახლოებით 40 წუთს გაგრძლდა. პრეზიდენტებმა უფლებამოსილების გადაბარების პროცესზე, ქვეყნის საშინაო და საგარეო მდგომარეობაზე ისაუბრეს. შეხვედრის პირველ ნაწილს საქართველოს პრეზიდენტის ადმინისტრაციის უფროსი და სალომე ზურაბიშვილის მომავალი გუნდის წევრი ლაშა ჟვანია ესწრებოდნენ.
საქართველოს მეხუთე პრეზიდენტის ინაუგურაცია 16 დეკემბერს გაიმართება. ფიცის დადებისა და უფლებამოსილებაში შესვლის ცერემონია კონსტიტუციის მიხედვით, პრეზიდენტის არჩევის დღიდან მესამე კვირა დღესაა. სალომე ზურაბიშვილის მიერ ფიცის დადებისთანავე შეწყდება მოქმედი პრეზიდენტის გიორგი მარგველაშვილის უფლებამოსილება.