მაღალი ჯარიმები პროევროპული აქციების მონაწილე ახალგაზრდებს | სტუდენტები შესაძლოა უნივერსიტეტს მიღმა დარჩნენ

ბათუმის საქალაქო სასამართლომ აქციების 36 მონაწილე დააჯარიმა, მათი უმრავლესობა სტუდენტია. პროცესები უკვე დასრულებულია და ჯარიმები, ჯამში, 158 500 ლარს აღწევს.

ფინანსური სანქციები იმდენად მძიმედ აწევთ სტუდენტებს, რომ ისინი შესაძლოა უნივერსიტეტის მიღმა დარჩნენ. 

„დაჯარიმებულთა უმრავლესობა სტუდენტია – ამ ქვეყანაში სტუდენტისთვის კი არა, პროფესიაში შემდგარი ადამიანისთვისაც კი 5000 ლარი, სულ მცირე, 2-3 თვის შემოსავალია.

თქვენი მცირედი მხარდაჭერა, ამ ადამიანებისათვის უმნიშვნელოვანესია! ჩვენთან ერთად, ასევე თავად რამდენიმე დაჯარიმებულიც აგროვებს თავიანთ ანგარიშებზე და შეგიძლიათ სურვილის შემთხვევაში, მათ ჩაურიცხოთ. თანხები დღის ბოლოს ჯამდება და გაცნობებთ სიახლეებს,“ – წერენ აქტივისტები.

დაჯარიმებულებისთვის თანხის ჩარიცხვა სამოქალაქო აქტივისტების, ციალა ქათამიძისა და მალხაზ ჭკადუას ანგარიშების ნომრებზე შეგიძლიათ:

#GE38BG0000000162685131 – მიმღები ციალა ქათამიძე

#GE47TB7002743365100007 – მიმღები მალხაზ ჭკადუა