სადენები ღია მდგომარეობაში, პარკებსა და სკვერებში

ბათუმი კიდევ ერთი მასშტაბური და მწვავე პრობლემის წინაშე. ქალაქის პარკებსა და სკვერებში საფრთხის შემცველი ელექტროსადენებია, რომელიც განსაკუთრებით საშიში უამინდობისასაა. გარდა ამისა, ამახინჯებს მოსასვენებელი ადგილების იერსახესაც. პრობლემის მოგვარება ბათუმის მერიის მუნიციპალური სერვისების მართვის სააგენტოს კომპეტენციაა, თუმცა მის მონიტორინგსა და მოვლა-პატრონობაზე რომ რესურსს არ ხარჯავენ, ამაზე ჩვენი რეპორტაჟი მოწმობს.

საფრთხის შემცველად მოქალაქეებს, ბათუმის ცენტრალურ პარკში, ღია სადენები მიაჩნიათ. განათებისა თუ ვიდეოკამერების ბოძების უმრავლესობაზე, სადენების შენაერთები, შეფუთული არაა და ღიადაა დატოვებული. მავთულების ნაწილი იმდენად დაბალზეა გაყვანილი, რომ ხელით შეხება ბავშვებსაც კი შეუძლიათ,  რასაც შესაძლოა სავალალო შედეგები მოჰყვეს.

მავთულხლართები შეფუთული, რომ  უნდა იყოს  ეს შესაბამისმა სამსახურებმა კარგად იციან. ამას ისიც ადასტურებს, რომ თავისდროზე კონსტრუქციები, ჩამკეტი ფილებით დაამაგრეს, თუმცა შემდგომ  მისი მონიტორინგი  აღარავის უწარმოებია.  ბათუმის ცენტრალურ პარკში, ამ მიმართულებით, არსებული პრობლემა მასშტაბურია.

იდენტური მდგომარეობაა, ქალაქის მასშტაბით არსებულ სხვა სკვერებშიც. გარდა  ბოძებისა, სადენები სხვადასხვა მიზეზით მიწის ზედაპირზეა გაყვანილი.  მოქალაქეების თქმით,  შესაბამისმა სამსახურებმა, კაბელები მიწისქვეშ უნდა გაატარონ.  განსაკუთრებულ საფრთხეს უამინდობისას გრძნობენ.  ამბობენ, რომ  ქარიან დღეებში,  მოკლე ჩართვის საშიშროება ხშირად დგას.

გარდა მცირეწლოვნებისა, მოქალაქეები, ცხოველებთან მიმართებით არსებულ საფრთხეებზეც საუბრობენ. გამომდინარე იქედან, რომ ოთხფეხა მეგობრებს, უსაფრთხოებაზე დაბალი ცნობიერება აქვთ, ღია სადენებთან სიფრთხილეს  ვერ დაიცავენ, რასაც შესაძლოა სავალალო შედეგები მოჰყვეს.

ცხოველთადამცველის თქმით,  გასულ წელს,  უყურადრებოდ დარჩენილი ელექტროსადენების შედეგად, მაღალი ძაბვა განვითარდა, რის გამოც, ძაღლი დაეცა. მსგავსი გამოცდილების მიუხედავად, თეონა ყურშუბაძის თქმით, საკითხი, კვლავ, დიდ გამოწვევად რჩება.

რატომ არ აკონტროლებს ბათუმის მერიის მუნიციპალური სერვისების მართვის სააგენტო, ამ მიმართულებით, უსაფრთხოების ნორმებს? უწყებაში ჩვენს კითხვებს, ამჯერად, არასამუშაო დღის მიზეზით არ უპასუხეს.