02, მარტი 2020 21:45:00
აჭარის მაუწყებლის ჟურნალისტებმა საინფორმაციო გამოშვება ხელმძღვანელის გვერდის ავლით დაგეგმეს. ფირუზ ბოლქვაძეს ნიუსრუმის აბსოლუტური უმრავლესობა უნდობლობას უცხადებს. იგი დღეს სამსახურშიც არ გამოცხადებულა.
გაფიცვის გადაწყევტილება მიღებულია. აჭარის საზოგადოებრივი მაუწყებლის ალტერნატიული პროფკავშირის წევრები უფლებამოსილების განხორციელებას 23 მარტიდან შეწყვეტენ, თუმცა ეს იმ შემთხვევაში, თუ კი ისინი ორგანიზაციის დირექტორთან და ბორდის წევრებთან მოლაპარაკებას ამ ვადაში ვერ შეძლებენ. დოკუმენტი, რომელიც ალტერნატიულმა პროფკავშირმა მაუწყებლის ადმინისტრაციას ჩააბარა, რამდენიმე მოთხოვნის დაკმაყოფილებაზეა საუბარი. მათგან მთავარი, სარედაქციო დამოუკიდებლობის შენარჩუნების გარანტიას შეეხება.
დღეს, პირველი სამუშაო დღე უნდა ჰქონოდა საინფორმაციო სამსახურის ახალი რედაქტორს - ფირუზ ბოლქვაძეს, თუმცა როგორც თავად ამბობს, ფუნქციები ოფიცილურად ხვალ განემარტება, სწორედ ამ არგუმენტით იგი დღეს სამსახურში არ გამოცხადებულა. შესაბამისად, ჟურნალისტებმა მთავარი საინფორმაციო გამოშვება დამოუკიდებლად დაგეგმეს. ისინი ფირუზ ბოლქვაძესთან არც შემდგომში აპირებენ თანამშრომლობას.
რატომ უნდა გამოვუცხადოთ მხარდაჭერა აჭარის საზოგადოებრივი მაუწყებლის თანამშრომლებს - თემაზე დღეს, „თავისუფალ ჟურნალისტთა სახლის“ ორგანიზებით დისკუსია გაიმართა, სადაც ჟურნალისტები და ალტერნატიული პროფკავშირის წარმომადგენლები ტელეკომპანიაში არსებულ ვითარებაზე მსჯელობდნენ. ისინი დირექტორის გადაწყვეტილებებს აკრიტიკებენ და ამბობენ, რომ მიმდინარე პროცესები სარედაქციო პოლიტიკის შეცვლას ისახავს მიზნად.
ურთიერთ საბრალდებო განცხადებები გააკეთეს დღეს ბროდის წევრებმა - სოსო სტურუამ და გია ქარცივაძემ. მაუწყებლის ყოფილმა დირექტორმა განაცხადა, რომ გასულ წელს, როცა შორენა ღლონტს კონკრეტული გადაცემების მომზადებისთვის ენდიაი-დან პირად ანგარიშზე თანხა ჩაერიცხა, პროცესში გია ქარცივაძეც იყო ჩართული.
გიორგი კოხრეიძის ირწმუნება, რომ საინფორმაციოს სამსახურის ყოფილი უფროსი შორენა ღლონტი ტელევიზიაში გააგრძელებს საქმიანობას. საინფრომაციო სამსახურს კი სავარაუდოდ, ამავე ტელევიზიის თანამშრომელი ლალი ბერძენიშვილი უხელმძღვანელებს.
უხელმძღვანელებს თუ არა აჭარის მაუწყებლის საინფორმაციო სამსახურს ლალი ბერძენიშვილი? - ამ ინფორმაციას ადრესატი არ ადასტურებს, მან სატელეფონო საუბრისას გვითხრა, რომ ეს საკითხი ამ ეტაპზე არ განიხილება, თუმცა კოხრეიძის შეთავაზების შემთხვევაში იგი მზადაა წინადადებაზე დაფიქრდეს.