უკვე მესამე დღეა სკანდალში გახვეულ ხელვაჩაურის მერს მთელი ქვეყანა აკრიტიკებს. ვარდმანიძეს უარყოფით ჭრილში განიხილავენ, ქუჩაში, საზოგადოებრივი თავშეყრის ადგილებში, მედიასა თუ სოციალურ ქსელებში. არის თუ არა ჩიხიდან გამოსავალი ბოდიში და როგორ ფასდება ვარდმანიძის ქმედება პოლიტიკურ წრეებში?
რესანი: როცა საჭიროდ ცავთვლი დაგიძახებთ......
"ქართული ოცნების" ბათუმის მაჟორიტარი დეპუტატობის კანდიდატმა პარლამენტში, ასეთი პასუხით სკანდალში გახვეული მერის ირგვლივ დასმული შეკითხვისას გაგვისტუმრა. რესან კონცელიძე ფიქრობს, რომ გუნდს შეფასება არ დაუგვიანია და კითხვაზე მხოლოდ მაშინ უნდა გვიპასუხოს, როცა თავად ჩათვლის საჭიროდ.
ბოდიშს მერის ნაცვლადაც იხდის, თუმცა უკიდურესად უხამსი ლექსიკით, ჟურნალისტის გინებისთვის, უნდა აგოს თუ არა პასუხი თანამდებობის დატოვებით ჯუმბერ ვარდმანიძემ - პასუხცის გაცემა უჭირს ადამიანის უფლებათა დაცვის კომიტეტის თამჯდომარეს უმაღლეს საბჭოში - ცოტნე ანანიძეს.
ცოტნე
აჭარის უმაღლესი საბჭოს დამოუკიდებელი დეპუტატი - მერაბ ბლადაძე ფიქრობს, რომ იმპიჩმენტი მეტისმეტად მკაცრი სასჯელი იქნება. გამოდის ინიციატივით - თავად შეარიგოს მერი და ჟურნალისტი.
ცალსახად, იმპიჩმენტის დაყენებას ითხოვს "ერთიანი ნაციონალური მოძრაობა". ამბობენ, რომ თანამდებობის დატოვებით უნდა აგოს პასუხი უშვერი სიტყვებით ჟურნალისტზე თავდასხმისთვის.
საჯაროდ ბოდიშის მოხდა რომ პატიების საფუძველი არ უნდა იყოს, "ევროპულ საქართველოში" ოპოზიციის, სამოქალაქო სექტორის და საზოგადოების პოზიციას სრულად იზიარებენ.
მაშინ, როცა ყველა ერთხმად, პასუხისმგებლობას ხელვაჩაურის საკრებულოს აკისრებს, მუნიციპალიტეტის წარმომადგენლობითი ორგანო ჩუმადაა. რა პოზიცია აქვთ წევრებს, როგორც საკრებულოს თავმჯდომარის მოვალეობის შემსრულებელს, ისე ფრაქცია "ქართული ოცნება-დემოკრატიული საქართველო"-ს თავმჯდომარეს დილითვე დავურეკეთ. პასუხები გამაოგნებელი აღმოჩნდა. თქვეს, რომ სკანდალის შესახებ არაფერი სმენიათ. დავით სამნიძეს და მალხაზ სალვარიძეს დღის ბოლოსაც დავურეკეთ. მათგან ისევ უცვლელი პასუხები მოვისმინეთ.
ხელვაჩაურის მერის მიერ, ჟურნალისტის გინების ჩანაწერი 12 ოქტომბერს გასაჯაროვდა, თუმცა თუ კი საკრებულოს წევრებს დავუჯერებთ, მაშინ, კიდევ უფრო მეტად ჩნდება კითხვები, თუ რას ელოდებიან, ან რატომ არ ითათბირა მომხდარზე ამ დრომდე კოლეგიალურმა ორგანომ.
13
s
s
s