ირაკლი ჩავლეიშვილის, როგორც დამოუკიდებელი დეპუტატის სტატუსის არ სწამთ „ერთიან ნაციონალურ მოძრაობაში“. აქ ამბობენ, რომ იგი, „ქართული ოცნების“ დეპუტატია. ახლა უკვე ოპონენტის გადაწყვეტილების შეფასებისას, გიორგი კირთაძე იმ უხერხულობაზეც საუბრობს, რომელიც მისი შეფასებით, ჩავლეიშვილს უნდა ჰქონოდა.
„ევროპულ საქართველოში“ ამბობენ, რომ ერთი დეპუტატით მეტი, აჭარის უმაღლეს საბჭოში, პოლიტიკურ სურათს ვერ შეცვლის. ვახტანგ კალოიანის თქმით, უმაღლესი საბჭო მაინც ერთპარტიული, კომუნისტური და უფუნქციო იქნება.
ირაკლი ჩავლეიშვილის შესვლით, თუ მის გარეშე, უმაღლესი საბჭო, მაინც ერთპარტიულია. მიუხედავად ამისა, ვისაც ყოფილი რესპუბლიკელის და ახლა უპარტიო წევრის საკანონმდებლო ორგანოს რიგებში ნახვა უხარია, მმართველი გუნდია.
პარტიაში, „ლელო საქართველოში“, ამბობენ, რომ ირაკლი ჩავლეიშვილმა სამარცხვინო ნაბიჯი 31 ოქტომბრის შემდეგ დღემდე ორჯერ გადადგა. ერთი მაშინ, როცა გაყალბებული არჩევნების შედეგად დაკომპლექტებულ უმაღლეს საბჭოში შევიდა და თავის კომფორტზე იზრუნა და მეორე დღეს, როცა ტვ25-ს ინტერვიუ მისცა.
ოპოზიციაში, ასევე ამბობენ, რომ ჩავლეიშილმა მისი გადაწყვეტილებით არაპრინციპული მხარე გამოავლიანა, რითაც მმართველ გუნდს განსაკუთრებულად ასიამოვნა.
1
s
s
s