40-მდე ტრამვა და თავის ტვინის დეფორმაცია. 58 წლის მურმან ზოიძეს, ავტოსაგზაო შემთხვევის შედეგად, გადაადგილება არ შეუძლია. პარალიზებული აქვს სამი კიდური. ესაჭიროება რამდენიმე სასწრაფო ოპერაცია, თუმცა ჯანდაცვის სამინისტროსგან არცერთი ფინანსდება. სიღარიბის ზღვარზე მყოფებს სოციალური შემწეობა იმ მიზეზით მოუხსნეს, რომ ოჯახის ერთი წევრი ბათუმის სანდასუფთავების სამსახურში მუშაობს და ანაზღაურების სახით, 400 ლარი ერიცხება.
მურმან ზოიძე, ჯანმრთელობის უკიდურეს მდგომარეობამდე ერთი წლის წინ მივიდა. მან ავარიის შედეგად 40-მდე ტრამვა მიღო, შედეგად დაუზიანდა ტვინი, მიიღო თავის ქალის დეფორმაცია, პარალიზებული აქვს სამი კიდური. იგი, ბოლო 6 თვეა, საწოლს არის მიჯაჭვული. ესაჭიროება 4 ოპერაცია, რომლის მატერიალური საშუალებაც არ გააჩნია.
გარდა ქირურქგიული ჩარევებისა, მურმან ზოიძეს სპეციალური კვება სჭირდება, რომელიც საკმაოდ ძვირი ჯდება. მეუღლე ამბობს, რომ უსახსრობის გამო, მძიმე მდგომარეობაში მყოფ ქმარს, ძირითადად, მხოლოდ, ჩაისა და პურს სთავაზობს.
ჯანმრთელობის მძიმე მდგომარეობის გამო, სამწევრიან ოჯახში მხოლოდ მაყვალა მუშაობს. შპს სანდასუფთავების თანამშრომლის ხელფასი 430 ლარს შეადგენს. შემოსავალი კი, მედიკამენტებშიც არ ჰყოფნით. საკვებით, ახლობლები ამარაგებენ, ისიც, იშვიათად. ქირით მცხოვრებ ზოიძეებს, სახლის მეპატრონესთანაც რამდენიმე თვის დავალიანება აქვთ.
მიუხედავად იმისა, რომ 10 წელზე მეტია ზოიძეები, ბათუმში ქირით ცხოვრობენ, ისინი ქობულეთში არიან რეგტისტრირებულნი. შესაბამისად, ქობულეთის მერიაში გვითხრეს, რომ თუ კი ოჯახი დახმარების თხოვნით,უწყებას განცხადებით მიმართავს, პროგრამული ნაწილის გათვალისიწნებით, შესაბამისი ღონისძიებების გატარება მოხდება.
რაც შეეხება აჭარის ჯანდაცვის სამინისტროს. აქ გვითხრეს, რომ აღნიშნულ პირს, როგორც სხვა ბენეფიცარს, ქირურგიულ ჩარევებს საყოველთაო ჯანდაცვა დაუფინანსებს. ნაწილს კი, უწყება თანადაფინანსების პროგრამით, იმ შემთხვევაში უზრუნველყოფს, თუკი მასზე საყოველთაო ჯანდაცვიკს პირობები ვრცელდება.
7
s
s
s