13, სექტემბერი 2021 21:48:00
არის თუ არა საკმარისი თვეში 360 ლარი რვა წევრიანი ოჯახისთვის, ეს თავად განსჯეთ. თუმცა როგორც არ უნდა თქვათ, რეალობა მაინც ასეთია: სამუშოს ვერ პოულობენ, სოციალურად დაუცველის სტატუსი კი მრავალწევრიან ოჯახს მხოლოდ ასე იცავს. ყოველი ახალი დღე, დიასახლისისთვის უცვლელი რუტინით და საფიქრალით იწყება - რით და როგორ გამოკვებოს შვილები.
უკიდურეს სიღატაკეს ისიც ემატება, რომ ოჯახში, ერთი ქრონიკული პაციენტი ცხოვრობს. ბებია, ონკოპაციენტია, ჟანგბადდამოკიდებულია და ძვირადღირებულ მედიკამენტებს საჭიროებს.
ცეცხლაძეები ირწმუნებიან, რომ საცხოვრებელი, სადაც ამჟამად არიან, მათი საკუთრება არ არის. ისინი, აქ ნათესავის ფიცრულში ცხოვრობენ. ისიც ავარიულია. ამორტიზებულია სახლამდე მისასვლელი გზაც.
ოჯახი ირწმუნება, რომ ქობულეთის მერიას დახმარების თხოვნით ბევრჯერ მიმართეს, თუმცა უშედეგოდ. უწყებაში განმარტეს, რომ თხოვნაზე დახმარებოდნენ ოჯახს, ცეცხლაძეები შინ მოვლის პროგრამით მოსარგებლეთა ბაზაში დაამატა. რაც შეეხება მოთხოვნას საცხოვრებელი სახით უზრუნველყოფაზე, არსებული პროგრამით ვერ ისარგებლებენ, რადგან მუნიციპალიტეტში რეგისტირებულნი არ არიან.