„TV25“-ის მასალის შემდეგ გაუპატიურებაში ბრალდებული დააკავეს. მიუხედავად იმისა, რომ შინაგან საქმეთა სამინისტროს დანაშაულის შესახებ ინფორმაცია ჰქონდა, უწყება ფაქტის მიჩქმალვას ცდილობდა. სოფელ ქაქუთში 14 წლის გოგოს გაუპატიურების შესახებ სოფელმა და სკოლამ იცოდა, თუმცა ყველა დუმდა. უფრო მეტიც, რამდენიმე ერთმანეთისგან დამოუკიდებელი წყარო „მაცნეს“-ს უყვება, რომ მომხდარის შემდეგ, მოზარდზე ბაბუა ფიზიკურად ძალადობდა, რის გამოც არასრულწლოვანმა სიცოცხლე სუიციდიღ დაასრულა. სამართალდამცავმა უწყებამ ჩვენს მიერ ინფორმაციის გასაჯაროვებიდან დაახლოებით 1 საათში ბიჭი არასრულწლოვანთან სექსუალური კავშირის დამყარების ბრალდებით დააკავა.
14 წლის გოგოს გაუპატიურების ბრალდებით, 23 წლის კაცი, სამართალდამცავებმა, წუხელ, ღამის სამ საათზე დააკავეს. მას, სექსულაური კავშირის დამყარება იმ მოზარდთან ბრალდება, რომელიც, ორი დღის წინ, საკუთარ ეზოში ჩამომხრჩვალი, ბაბუამ იპოვა. პოლიციამ, სავარაუდო დამნაშავის პოვნა და დაკავება მხოლოდ მას შემდეგ უზრუნველყო, რაც სუიციდისა და მომხდარი დანაშაულის შესახებ TV25-მა გუშინ გააშუქა.
წყარო გვიყვება, რომ სოფელ ქაქუთში, არასრულწლოვანი გოგოს ისტორია ყველამ იცოდა, თუმცა ადგილობრივები დეტალებს არც მომხადრის გახმაურების შემდეგ ამხელენ. ინფორმატორის ნაამბობით, ისტორია ასეთია: ბრალდებულმა, მოზარდზე, პირველად, გასული წლის ზაფხულში იძალადა, რის შემდეგაც შვილიშვილზე ფიზიკური ძალადობა თავად ბაბუამ დაიწყო, რასაც 14 წლის გოგომ ვეღარ გაუძლო და თავი მოიკლა.
ბაბუა ირწმუნება, რომ ძალადობის ფაქტის შესახებ შვილიშვილმა მას ორი თვის წინ უამბო. ამტკიცებს, რომ პოლიციას მაშინვე აცნობა და დღემდე ექპერტიზის პასუხს ელოდებოდნენ, თუმცა აუხსნელი მიზეზით, შესაბამის დოკუმენტს ორი თვე დააგვიანდა. სულიკო ცეცხლაძე, ამბობს, რომ გოგონაზე 23 წლის ნ.ტ-მ ორჯერ იძალადა. მეორედ, იანვარში. ბაბუა კატეგორიულად უარყოფს გავრცელებულ ინფორმაცაის იმის თაობაზე, რომ შვილიშვილს, სისტემატურად სცემდა.
ნინი ცეცხლაძეს მამა გარდაცვლილი ჰყავს. დედა თურქეთში მუშაობდა. მას კიდევ ერთი ძმა და და ჰყავს. ინფორმაცია, ქაქუთის სკოლის დირექტორმა მოგვაწოდა. ამტკიცებს, რომ მოსწავლე ოჯახში ძალადობის მსხვერპლი არ იყო. მისი თქმით, მოზარდთან, სოციალური მუშაკიც მუშაობდა.
ჩვენ ბრალდებულის ოჯახსაც მივაკითხეთ. მშობლები ირწმუნებიან, რომ მათი შვილი მოძალადე არაა. ყვებიან, რომ გარდაცვლილ არასრულწლოვანსა და მათ შვილს, მიმოწერა ჰქონდათ. თითქოს, მოზარდი ბიჭს შველას სთხოვდა, რადგან ბაბუა მასზე ფიზიკურად ძალადობდა. ისინი სასამართლოში მტკიცებულებების წარდგენას გეგმავენ.
სახელმწიფო თავს იმით იმართლებს, რომ ბავშვი სახელმწიფო ზრუნვაში არ იმყოფებოდა. ჯანდაცვის მინისტრის მოადგილე ამტკიცებს, რომ მოზარდის საუკეთესო ინტერესი მათთვის პრიორიტეტია, თუმცა იმასაც აღიარებს, რომ ოჯახებისთვის შესაბამისი სერვისების მიწოდებაში ხარვეზებია
ვიდრე გარდაცვალებისა და ძალადობის ამბავზე დავწერდით, ინფორმაციის გადამოწმება, შინაგან საქმეთა სამინისტროსთან გუშინ ვცადეთ. უწყების პრეს-სამსახურმა გვითხრა, რომ დანაშაულის შესახებ ინფორმაცია ჰქონდათ, თუმცა გამოძიება დაწყებული არ იყო. მოგვიანებით, როცა ამბავი ვებგვერდის მეშვეობით გავარცელეთ, დაგვირეკეს და გვითრეს, რომ გამოძიება თვითმკვლელობამდე მიყვანის გუხლით დაიწყო. დღეს დილით კი, შინაგან საქმეთა სამინისტრომ ოფიციალური განცხადება გაავრცელა, სადაც სრულიად სხვა ფაქტზე იყო საუბარი და გამოძიება სხვა მუხლით დაწყებული. 16 წლამდე მიუღწეველ პირთან სექსულაური კავშირის დამყარების ბრალდებით ბიჭი ჩვენს მიერ გავრცელებული ინფორმაციის შემდეგ დააკავეს.