31, იანვარი 2019 17:07:00
„აჭარის ტელევიზიის“ სამსახურიდან გათავისუფლებული მენეჯერი ტელევიზიაში ბრუნდება. პირველი თებერვლიდან ირაკლი ბარამიძე ისევ მიმდინარე მაუწყებლობის სამსახურის უფროსის თანამდებობაზე იმუშავებს. ირაკლი ბარამიძეს მენეჯმენტმა, მას შემდეგ შეუწყვიტა შრომითი ხელშეკრულება, როდესაც არასამუშაო დღეს მაუწყებლის ვიდეოკამერით ერთ-ერთი ოპერატორი ქორწილს იღებდა. ბათუმის საქალაქო სასამართლომ გათავისუფლებული თანამშრომლის სარჩელი „აჭარის ტელევიზიის“ წინააღმდეგ 2018 წლის 19 სექტემბერს ნაწილობრივ დააკმაყოფილა. საქმე ქუთაისის სააპელაციო სასამართლოში ჯერ არ განხილულა. თუმცა სასამართლომ წინსწრებად დააკმაყოფილა ბარამიძის სამსახურში დაუყოვნებლივი აღდგენის მოთხოვნა.