რა პირობებში მიმდინარეობს სწავლებისა და აღზრდის პროცესი ქობულეთის კულტურის სახლში? ჩვენი გადამღები ჯგუფი დღეს შენობაში არსებულ ინფრასტრუტურას გაეცნო. დანესტილი და დაბზარული კედლები, ამორტიზებული სახურავი და დაზიანებული იატაკი . რას ამბობენ მერიის ხელმძღვანელი პირები არსებულ მდგომარეობაზე?
დაბზარული კედლები, ჩამოცვენილი ბათქაში და დაზიანებული სახურავი - ასეთი ვითარებაა 4 წლის წინ აშენებული კულტურის ცენტრის შენობაში. აქ ყველა ოთახში ჭერიდან ჩამოსული წყლის კვალი ნათლად ჩანს.
შენობაში ინფრასტრუქტურული პრობლემების გარდა, დაზიანებულია მუსიკალური ინვენტარიც, პრობლემებზე საჯაროდ აქ დასაქმებულები ვერ საუბრობენ. თუმცა კამერის მიღმა გვიყვებიან, რომ მოძველებულ ინსტრუმენტებს ღონისძიებების დროს მაინც იყენებენ.
შენობაში გათბობისა და ვენტილაციის სისტემა სრული დატვირთვით არ მუშაობს. შედეგად ღონისძიებები და რეპეტიციები ნახევრად გაყინულ დარბაზში ტარდება. მოძველებულია სკამებიც, რის გამოც ღონისძიებაზე მისულ სტუმრებს ხშირ შემთხვევაში ფეხზე დგომა უწევთ.
მიუხედავად იმისა, რომ შენობაში ყოველი გაწვიმებისას წყალი ჩადის ქობულეთის მერიაში ირწმუნებიან, რომ სახურავი უკვე შეაკეთეს და პრობლემა აღმოფხვრილია. კულტურის სახლი სამშენებლო კომპანია ,,მტმ“-მა ააშენა. მერის მოადგილე განმარტავს, რომ ხელშეკრულების თანახმად, კომპანიას ხარვეზების გამოსწორების ვალდებულება აქვს.
გათბობისა და ვენტილაციის სისტემის შეკეთების მიზნით კულტურის სახლის ადმინისტრაციამ მერიას რამდენიმე თვის წინ წერილობით მიმართა. ეკონომიკის, ინფრასტრუქტურისა და საინვესტიციო განვითარების სამსახურში ვერ აკონკრეტებენ როდის მოგვარდება პრობლემა.
ქობულეთის კულტურის სახლი 2015 წელს აშენდა, რისთვისაც 2 მილიონი ლარი დაიხარჯა.
45
s
s
s